Kòrsou - Nos Patria

Kòrsou pa Yu'i Kòrsou
It is currently 16 Jul 2018, 04:55

All times are UTC - 4 hours


Forum rules


Nada di palabranan malu, ofensivo i lastramentu di nòmber di hende. Tur hende por splika nan punto di bista sin mester di ta ofensivo. E atministrador ni e sait aki no ta para responsabel pa esnan ku faya ku regla.



Post new topic Reply to topic  [ 1 post ] 
Author Message
PostPosted: 11 May 2010, 01:13 
Offline
User avatar
Site Admin

Joined: 16 Mar 2010, 00:08
Posts: 161

Awor aki ta Gerrit Schotte ta na moda. Tur kaminda bo ta tende di dje i tur hende tin komentario tokante dje. Den tempu di elekshon, tur esnan ku a kombertí elekshon i polítika den un hòbi a vota p'e, djis pasobra nan a gusta su aserkamentu. Tabatin masha partimentu di sèn tambe naturalmente.
Gerrit Schotte a hanja hopi voto i awor ata e resultado. Despues ku ela kibra e promé partido ku e tabata aden, esun di Lak, awor tin problema kune den Man tambe. E ke tur kos, e ke tuma e partido over di Charles Cooper, ku tambe a desapuntá pueblo totalmente. Cooper a primintí pueblo di Kòrsou shelu i tera, pero finalmente ta interesnan partidista a prevalesé. Ela bai traha ku esnan ku ela lastra i hiba kampaña riba nan lomba i finalmente nan a bulé for di gobiernu.

Pero kiko bo por spera di Man, un partido ku a nase di traishon i kaminda traishon semper a predominá?. Ta pesei nos ta bisa ku traishon ta na moda na Kòrsou. I pueblo ta gosa e kosnan ei. Nan ta vota pa traidornan, esnan ku ta gaña nan i ku a drenta polítika pa bira riku riba kustia di pueblo.

Awor Schotte a konsiderá pa bai Demokrat ku mester di un lider ya ku George no tei mas. George a frakasá ku su asuntu di huma di shell, e tambe a traishoná esnan ku a vota pe i di NO ela para bira SI. Schotte ta bon pa bai Democrat, e tin e kolor apropiá pa ta lider, i masonnan semper a bai bon ku protestantnan blanku. Pero Demokrat tambe a spanta p'e. Asina tambe e lo kumisa kere ku Demokrat ta su propiedat. E mester bai riba su mes. Nos ta interesante pa wak kuantu voto lo e por kue riba su mes, despues di e kosnan ku ta pasando aki. Un grupo di poder di Medio Oriente tòg ta bolbe hinka dos mion florin den dje. Ta via di Schotte e grupo ei ke kue poder na Kòrsou.

Pueblo ki dia bosnan ta habri bosnan wowo? Ta nos mes tin nos mes kaminda nos ta awor aki. Nos a vota pa e partidonan di mas malu durante di e ultimo 16 añanan aki. Nan a trapa pueblo. Esnan ku a pretende ku nan ta ku pueblo tambe a traishoná e lucha sin mas. Nan a wak kon pa nan bin kla finansieramente. I nan a asosiá nan mes ku Hulanda.

Mientras tantu tin un "Cosa Nostra" di algun muhé ta gobernando nos pais i ta hinkando nos den e peor abismo ku nos a yega di konosé. Edukashon a kaba na nada: yen skolnan sin nivel a keda kreá i nos muchanan ta mas bobo ku nunka. Mayoria di esnan ku bai kaba di studia na Hulanda tambe ta frakasá debi na libertinahe hulandes i problemanan di kultura; salubridat ta defisiente i no tin sèn pa paga tratamentu ni remedi pa niun hende; nos situashon finansiero ta malísimo; miles di hende sin trabou i sin futuro; Hulandesnan a bira doño di kasi henter Kòrsou, yen chines i hindú aki riba ku tur dia ta papia kos di chombon di nos pueblo, kriminalidat ta espantosamente haltu i nos ta keda kere ku ta Hulanda lo salba nos di e katástrofe aki.

Nos ta manera yu ku mama a haña abou na suela. Tur hende ta kaka riba nos i nos ta keda kere den e enemigu. E úniko polítiko ku te ainda tabata konsekuente ku e pueblo aki ta Wiels i tin hende ke bisa ku e ta brutu. Pasobra e pueblo ta gusta vaselin. Nos ta gusta pa nan pasa nos e suavemente, manera tur e partidonan aki a hasi ku nos den e ultimo 16 añanan aki.

Ban husa nos kabes i ban vota pa un partido ku ta lucha na interes di Kòrsou, na interes di e hende humilde i no na fabor di kapital i gruponan di poder. Bo sa kuantu polítiko a bira mionario den e ultimo 16 añanan aki? Bo sa di unda e plakanan ei ta bin? Bo sa ku niun kapitalista o grupo ta hinka miones den un partido pa prèt? Ta masha kos nan ke bèk ora e partido o polítiko ei drenta gobiernu. Asina nan ta bende nos!

Pa kolmo awor nan ke bin ku un plan pa un konstitushon nobo kaminda nan no ta presentá varios opshon i pueblo lo bolbe vota malu den e próksimo referendum, si es ku nan tene referendum. Nan no ta tende niun hende di pueblo, hesus nan ta deskriminá nos. No por ta asina ku solamente den elekshon ta korda ku pueblo ta eksisti.
Bo no ta ripara ku ta wega e hendenan ta hunga? Ku tur ta meskos? Kada bes ku unu ta hanje obligá di bandona polítika, un otro ta bin na su lugar? Ta un pa un nan ta pasa kos den kurpa di Kòrsou.

Ban pa un demokrasia partisipativo kaminda pueblo ta manda i gobiernu mester obedesé. E demokrasia representativo ku nos tin te awor aki, ta duna polítikonan e poder pa hasi i deshasi sin konsultá ku pueblo. Nan ta yuda nan mes i nan amigunan i tur hende sobrá por muri un morto natural. Bo sa kuantu plaka un seudo polítiko a parti ultimo elekshon na sèn kèsh, telefònnan selular i gasolin pa fanátikonan pone den outo i bròmer? Hopi plaka mes! Ban stòp di vota pa kos, pa kolmo kos pa un dia, ban vota pa bida di e yu'i Kòrsou drecha pa semper i no tempu di elekshon so.


UPDATE:
Awor tin un otro elekshon den porta. Par a bisa ayera nochi den bos di Glenn Sulbaran ku Par lo traha ku niun partido ku no ta di akuerdo ku akuerdo di estado. Schotte a vota kontra akuerdo di estado, pero e ta bisa awor ku e ta dispuesto di traha ku ganador, o sea ku esun ku gana, no ta importa kua.

E uniko manera ku Schotte por traha den gobiernu ku Par ta si e bira un segundo Godett i kambia su NO den SI. No tin otro manera. Ta pesei votadornan di Schotte mester eksigi di Schotte prome ku nan vota pe , pa e bisa ku si e lo ta dispuesto pa traha ku Par o no. Si e bisa si, anto den tur lus esei ke men ku su traishon kontra Korsou ta na kaminda i ku Schotte lo kompaña Godett den historia komo esnan ku tabata desleal na un momento klave na e pueblo ku a konfia den nan.

Man tambe a bisa ku nan ta dispuesto pa traha ku Par, pero nan tambe a vota kontra akuerdo di estado. Ku otro palabra tur loke Eunice Eisden a bai hasi Ulanda tabata djis un show, pasobra Man tin den su kabes kaba pa e tambe boltu bira SI i bai kompaña Par den gobernashon pa kaba di mata pueblo di Korsou.

Pueblo Soberano ta e uniko partido ku riba un solo linja semper a keda riba su NO, bisando ku e lo no traha ku Par. Pueblo Soberano por lo tantu ta e uniko partido ku ta representa dignamente e 48% di Korsou ku a bisa NO. Tur sobrá ta dispuesto di negosiá dignidat i konfiansa di pueblo basta nan bai den gobiernu.

Pues tur ku ta kere ku ta basta ku Par mester vota Partido Pueblo Soberano, pasobra esei ta e uniko manera pa Par keda for di gobiernu. Vota pa Schotte o Man ke men ku Par ta sigui goberná ku nan yudansa, una bes ku awor PNP i FOL ta moribundu i kla pa bai graf sin ku niun hende ku a vota pa nan den pasado basha un awa di wowo.

Ta pesei nos ta kere ku e elekshon aki ta unu di ideologia kaminda pueblo mester vota pa kambionan drastiko. Mester vota pa tene Par afó, tur otro manera nan lo bende Korsou ku Ulanda. No laga niun makamba ku agendanan skondí pretende ku Bo no mester bai vota. No hasi kaso na e Hudasnan aki. Nan ta Par, pero di un forma hipókrita ku ta hasi nan oun mas peligroso.

_________________
Esun Ku No Sa, Ta Manera Esun Ku No por Mira


Share on FacebookShare on TwitterShare on TuentiShare on SonicoShare on FriendFeedShare on OrkutShare on DiggShare on MySpaceShare on DeliciousShare on Technorati
Top
 Profile  
 
Display posts from previous:  Sort by  
Post new topic Reply to topic  [ 1 post ] 

All times are UTC - 4 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Jump to:  
cron
Web Hosting by SiteGround
Powered by phpBB® Forum Software © phpBB Group